Колл-центр(Тегін қоңырау шалу):
1408+7 (800) 080 18 90

Табысқа жеткен кәсіпкер әйелдер туралы


«Дамудан» бөлінген қаржы макарон өндіруші компанияның өндірісін 30% арттырды

Макарон өнімін татпаған адам жоқ шығар , сірә .
Әдемі, әр түрлі түстегі полиэтиллен орамалармен қапталған бұл тағам жердің түкпір- түкпірінде тонналап өндіріледі. Алайда ол қаншама көп өндірілсе де, адам баласы одан жалығар емес. Демек, оған сұраныс мол.

Макаронды дайындаудың жүздеген түрі бар. Жай суға пісірілген макарон, флоттық үлгідегі макарон, лазанья, итальяндық рецептпен жасалған спагетти, миландық үлгідегі кеспе және тағысын тағылар боп кете береді.
Алайда ұннан жасалған бұл тағам сіздің ас бөлмеңіздің сөресіне қалай келеді екен? «Дүкеннен мен сатып әкелдім ғой!»,- дейтініңіз даусыз.Бұл да дұрыс жауап. Ал ол дүкенге қалай келді? Қалай өндірілді? 


Макарон өнімдерін өндірумен айналысатын «Злак Плюс М» ЖШС өндіріс орны өз жұмысын 2001 жылы Қостанай облысында бастаған. Нарықтық сараптама, бизнес-жоспарды жасау, жабдықтаушылардың арасынан ең үздігін таңдау, өндіріс үшін керекті құрал-жабдықтарды қамтамасыз ету және ең бастысы, өнімді өндіру мен оның сапасын қадағалау оңай шаруа емес. Алайда жетекшілердің өз ісіне деген сенімі мен кәсіби біліктілігі көп күттірмей өзінің оң нәтижелерін бере бастады. 


«Алғашқы қадамдарымыз қиын болғанымен, іс бірте-бірте түзеле бастады.Ал Италиядан алынған жаңа құрал-жабдықтар— ісіміздің өнімділігі мен бәсекелестік қабілетімізді одан ары арттыруға мүмкіндік беретініне көз жеткіздік те ескірген құрал-жабдықтарды жаңасына ауыстыруға шешім қабылдадық. Алайда, бүкіл қаржы айналымда болғандықтан, «Даму» кәсіпкерлікті қолдау қорынан несие алуға бел будық. Қордың шағын және орта кәсіпкерлік субъектілері мен ауылшаруашылық өнімдерін өңдеу және тамақ өнімдерін өндіру ұйымдарын қолдауға бағытталған «Даму Қолдау» бағдарламасы бойынша алынған несиеге Италиядан макарон өнімдерін өндіруге арналған жаңа құрал-жабдықтар сатып алдық. Енді оларды жинау және іске қосу процесі ғана қалды. Әрине, қазір алдын-ала болжам жасау қиындау, бірақ бұл өзгерістер өнім көлемін 30% өсіруге көмектеседі деп жоспарлап отырмыз»,- дейді «Злак Плюс М» ЖШС директоры Деменева Александра Петровна. 


Яғни, жақын арада нарықтағы макарондық өсім тағы да артпақ. Пайызбен айтқанда бұл онша сезіле қоймайтын шығар, сондықтан біз оны тоннамен есптеп көрейік. «Злак Плюс М» ЖШС-ның берген мәліметі бойынша, 2009 жылы кәсіпорынның өнім көлемі 133 тонна құрапты.133-ке 30% пайызды қосқанда 172,9 деген санға қол жеткіземіз. Демек, 39,9 тоннаға артады. Қуануға тұратын жайт емес пе?! 


Бүгінде «Злак Плюс М» ЖШС кәсіпорны 49 адамды жұмыспен қамтамасыз етіп отыр.
«Болашақта жұмыс орындарын көбейтіп, өнімімізді шет елдердің нарығына шығаруды жоспарлап отырмыз. Алғашқы экпорт Қырғызстанға бағытталатын болар»,-дейді «Злак Плюс М» ЖШС директоры

Раздел не найден.