Колл-центр:1408 (Тегін қоңырау шалу)

Мақсаттық тұтынушыларды маркетингтік зерттеу


Сатуды маркетингтік зерттеу

 Маркетингте мақсатты тұтынушылар туралы деректерді жинауға – маркетингтік зерттеулерге баса назар аударылады. Маркетингтік зерттеудің негізгі мақсаты нарықтық үдерістер мен құбылыстарға дұрыс сипаттама беру, компанияның нарықтағы орны мен мүмкіндіктерін көрсету болып табылады. Маркетингтік зерттеу үшін бастапқыда шешімі табылуы тиісті нақты міндет қойылады. Шешімін табу үшін зерттеуші мақсатты шешілуі тиісті міндеттерге жіктейді. Сонымен қатар, қойылған міндеттердің шешімін табу үшін жиналуы тиісті ақпараттар шеңберін бағалайды. Ақпаратты жинау үшін: жағдайды талдау, сауалнама жүргізу және эксперимент қолданылады. Маркетингтік зерттеудің нәтижесі компанияның маркетингтік даму саясатын қалыптастыру болып табылады. 21 ғасырда тұтынушыны сіздің өнімді сатып алуға көндіру қиындай түсті. Мұндай жағдай бәсекенің жоғары болуына, нарықтың тауарлар мен қызметтерге қанығуына байланысты орын алып отыр. Сол себепті көптеген ірі компаниялар біліктілігі жоғары маркетологтарды жұмысқа тартып, нарықты зерттеуге көп қаражат жұмсайды.

 Маркетингтік зерттеулер мақсаты

 Жаңа бизнес үшін сұранысты білу (нарықтық әлеуетті бағалау) және ұсынысты (нарықтың нақты көлемін бағалау), өнім бағасы мен құнын білу, бәсекелес фирмаларды бағалау қызықты болады.

Жұмысы жүріп тұрған бизнес үшін тұтынушыларды зерттеу, олардың үміті нақтылыққа қаншалықты сәйкес келетінін білу, осал тұстары мен мүмкіндіктерін анықтау қажет болады. Бәсекелес компанияларды зерттеп, олардың бағаларын салыстырады және т.б.

Маркетинг өндіріс пен өнімді өткізуді ұйымдастыруды қарастырады, ол нарықтың тауарлар мен қызметтерге қажеттіліктерін зерттеуге негізделеді.

 

Ағымдағы сәтте тұтынушылар белсенділігі мен жалпы нарықты зерттеу – нарықтық экономиканың ажырамас бөлігі болып табылады. Соңғы жылдары батыстық корпорациялар дамушы нарықтар үшін белсенді күресе бастаған. Себебі экономиканың өсу әлеуеті соларға негізделген. Тұтынушы қоғам тек ғылыми-техникалық үдерісті қозғап қана қоймайды, миллиондаған жұмыс орындарын ашады. Осындай қоғамда маркетинг қажет және ол осы қоғаммен бірге дамып, клиентке ықпал етудің жаңа тәсілдерін.

 

Кәсіпорын тұтынушылардың қажеттіліктерін қанағаттандырған жағдайда ғана пайда таба алады .

Тұтынушы сатып ала алатын нәрсені ғана өндіріп, сату керек. Қажеттілік жеке немесе қоғамдық болуы мүмкін. Жеке тұлға, коммерциялық кәсіпорын немесе мемлекеттік мекеме сатып алушы бола алады. Тұтынушыларды кез келген түрін зерттеудің әдісі бір болуы тиіс:

1 қадам. Қазіргі сатып алушылар туралы ақпаратты жинап, зерттеңіз.

2 қадам . Сіздің сатып алушыларыңыздың қай нәрсеге көңілі толады/толмайды, соны біліңіз.

3 қадам . Әлеуетті сатып алушылар нені қалайтынын анықтаңыз . Өнімге/қызметке қандай талаптар қояды .

4 қадам . Әлеуетті сатып алушыларыңыздың төлем қабілеттілігін анықтаңыз. Сатып алушыға оңтайлы баға ұсыныңыз.

1 қадам. Қазіргі сатып алушылар туралы ақпаратты жинап, зерттеңіз.

Қазіргі сатып алушыларыңыздың тізімін тым болмаса ең жай түрде жасаңыз. Сатып алушыларды тіркеу процесінің өзі сіздің назарыңызды көптеген сұрақтарға аударады: оларды қалай және қай жерде есепке алуға болады, олар қанша және не сатып алады, олардың қайда тұратынын, жұмыс істейтіні білу керек пе және т.б.

Сатып алушылар туралы ақпараттың ең аз жиынтығын анықтаңыз . Осы ақпаратты енгізуге арналған форманы дайындаңыз. Бар сатушыларыңызды осы ақпаратпен таныстырыңыз. Ең бастысы, осы базаны тұрақты түрде тексеріп, оған талдау жасап отырыңыз..

2 қадам. Сіздің сатып алушыларыңыздың қай нәрсеге көңілі толады/толмайды, соны біліңіз.

Өз сатып алушыларыңыздың арасында оларға не ұнайды, өнімде, қызмет көрсетуде не ұнамайды тақырыбында сауалнама жүргізіңіз. Сатып алушылармен тыыз қатынаста болатын қызметкерлеріңізден олар бұл жайлы не ойлайтынын сұраңыз. Сатып алушылардан әрқашан олар неге сізбен жұмыс істеуден бас тарқаны жайлы сұрап алыңыз.

Сатып алушылар сіздің кәсіпорныңыздың жұмысына разы болулары үшін нені жақсарта алатыныңыз жайлы ойланыңыз.

3 - 4қадам. Әлеуетті сатып алушылар нені қалайтынын анықтаңыз. Өнімге/қызметке қандай талаптар қояды.
Әлеуетті сатып алушыларыңыздың төлем қабілеттілігін анықтаңыз. Сатып алушыға оңтайлы баға ұсыныңыз.

Әлеуетті (ықтимал) сатып алушылар туралы ақпаратты келесі әдістермен алуға болады :

  • Сіздің әлеуетті сатып алушыларыңыз жүргізетін сатып алулар мен тендерлер жайлы ақпаратты талдаңыз. Мұндай ақпаратта сатып алынатын өнімге/қызметке қойылатын талаптар мен шарттар толық көосетіледі;
  • Сіздің бәсекелестеріңіздің өнімін/қызметін сатып алатын бірнеше компаниялардың атауларын біліп, оларға сіздің өніміңізді/қызметіңізді пайдалану туралы ұсыныс жасаңыз. Олардың сіздің бәсекелесіңізбен жұмыс істеулеріне қаншалықты көңілдері толатыны біліңіз. Олардың өнімге/қызметке қоятын талаптарын, бағаларын біліңіз ;
  • Сіздің кәсіпорныңыздың өніміне/қызметіне қызығушылық танытуы мүмкін компаниялардың телефондық базасын дайындаңыз. Олар қандай шарттармен, қандай бағамен сіздің өніміңізді сатып алуы мүмкін екенін анықтаңыз.

Жиналған ақпараттың бәріне талдау жасап, әлеуетті сатып алушылардың талаптарына сәйкес келетін қандай өнім ұсына алатыныңызды ойластырыңыз .